Bu gün şəhid Şəhriyar Quliyevin mövlud günüdür. Onun 32 yaşı tamam olacaqdı.
Şəhriyar Quliyev 1990-cı il mayın 25-də Ağdam rayonunda anadan olub.
Quliyev 2008-2009-cu illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub. Bundan sonra Xüsusi Təyinatlı Qüvvələrin sıralarında müddətdən artıq həqiqi hərbi xidmət qulluqçusu olub.
Şəhriyar Quliyev Vətən müharibəsi zamanı Cəbrayılın, Hadrut qəsəbəsinin, Füzulinin və Qubadlının azadlığı uğrunda gedən döyüşlərdə savaşıb. O, 150-yə yaxın erməni əsgər və zabitini məhv edib. Məhv edilənlər arasında polkovnik də olub. Şəhriyar Quliyev oktyabrın 23-də Qubadlı döyüşləri zamanı şəhid olub. Sumqayıt şəhərinin Şəhidlər Xiyabanında dəfn olunub.
Şəhriyar Quliyev ölümündən sonra "Qarabağ" ordeni, "Vətən uğrunda", "Cəbrayılın azad olunmasına görə", "Füzulinin azad olunmasına görə" "Xocavəndin azad olunmasına görə" medalları ilə təltif edilib.
Şəhriyar Quliyev 2016-cı ilin 2-6 aprel tarixlərində baş verən Aprel döyüşlərində də iştirak edib.
Quliyev ailəli idi. Vətənə 2 oğlu yadigar qalıb.
