Qarabağ Universitetinin tələbələrinin Xankəndiyə gəlişi sentyabrın 22-dək davam edəcək.
Sumqayıt24 xəbər verir ki, bu barədə təhsil ocağı məlumat yayıb. Bildirilib ki, tələbələrin Xankəndiyə gəliş prosesi artıq başlayıb:
"Ötən gündən tələbələrin işçi qrupu tərəfindən qeydiyyatı və yataqxanaya yerləşdirilməsi prosesi həyata keçirilir. Bundan əlavə, tələbələrin Xankəndi şəhəri və universitetlə tanışlığı üçün infotur təşkil olunub. Tələbələrin Xankəndiyə gəliş prosesi mərhələli şəkildə sentyabrın 22-dək davam edəcək".
Qeyd edək ki, Qarabağ Universitetində 1103 tələbə oxuyacaq. Onların 6.80%-i, yəni 75 nəfər Sumqayıt sakinidir.
