Sumqayıtda Ümumdünya Ətraf Mühitin Mühafizəsi Günü münasibətilə
ekoloji yönümlü tədbir həyata keçirilib.
Sumqayit24.az xəbər verir ki, Xəzər dənizinin Sumqayıt sahilində genişmiqyaslı təmizlik aksiyası təşkil olunub. Aksiyada müxtəlif dövlət və özəl müəssisələrin əməkdaşları, könüllülər və ictimai fəallar fəal iştirak ediblər.
Toplanan tullantılar könüllülər tərəfindən müxtəlif kateqoriyalar üzrə çeşidlənib və müvafiq olaraq şəhərin aidiyyəti xidmətlərinə təhvil verilib.
Ekoaksiya Sumqayıt Şəhər İcra Hakimiyyəti, SOCAR “Azərikimya” İstehsalat Birliyi, “SOCAR Karbamid”, “SOCAR Polymer”, Yeni Azərbaycan Partiyası Sumqayıt şəhər təşkilatı və digər aidiyyəti qurumların birgə təşəbbüsü ilə baş tutub.
