Sumqayıtda Xocalı faciəsinin 30-cu ildönümü ilə əlaqədar konfrans baş tutub. Bu haqda Gənclərin İnkişaf və Karyera Mərkəzinin Facebook səhifəsinə istinadən bu gün, 26 fevral tarixində yazırıq.
Mərkəzin və YAP Sumqayıt şəhər təşkilatının Gənclər Birliyinin birgə təşkil etdiyi konfrans Heydər Əliyev mərkəzində keçirilib.
Görüşdə müxtəlif təşkilatların nümayəndələri, ziyalılar və gənclər iştirak ediblər. Onlar Xocalı faciəsinə aid videoçarxlar izləyiblər.
Daha sonra isə gənclərə Xocalıda baş vermiş dəhşətli hadisələrin həqiqətləri haqqında və beynəlxalq aləmdə tanınması üçün görülən işlər barədə geniş məlumat verilib.
