Sumqayıtda Xocalı soyqırımının 30-cu ildönümünə həsr olunmuş tədbir keçirilib. Bu haqda Sumqayıt Dövlət Universiteti məlumat yayıb.
Onlayn görüş universitetin Elmi kitabxanası və Səməd Vurğun adına Mərkəzi Kitabxananın birgə təşkilatçılığı ilə baş tutub. Burada təhsil müəssisəsinin professor-müəllim, tələbə heyəti və kitabxananın əməkdaşları iştirak ediblər.
Tədbirdə çıxış edənlər Xocalı faciəsinin dəhşətlərindən bəhs edib. O da qeyd olunub ki, “Xocalıya ədalət” kampaniyasının hesabına artıq bir çox dövlətlər Xocalıda törədilən qırğını soyqırım kimi qəbul edib.
Xocalı soyqırımı zamanı 106 qadın, 63 uşaq, 70 qoca olmaqla 613 azərbaycanlı vəhşiliklə qətlə yetirilmiş, 487 dinc sakin ağır yaralanmış, 1275 nəfər isə girov götürülmüşdür.
