Sumqayıtda "XX əsrin faciəsi” adlı tamaşa səhnəyə qoyulub. Sumqayıt24 bu haqda Xidmət Sahələri üzrə Peşə Təhsil Mərkəzinin Facebook səhifəsinə istinadən xəbər verir.
Xocalı soyqırımının 30 illiyinə həsr edilmiş tamaşa ”28 May” Diyarşünaslıq evində, sözügedən mərkəzin tələbələrindən ibarət həvəskar aktyorlar tərəfindən səhnələşdirilib.
Aparıcı ilk öncə iştirakçılara faciə haqqında məlumat verib, daha sonra isə onlara Vətən müharibəsində çaldığımız qələbəyə həsr olunan tamaşa təqdim olunub.
Qeyd edək ki, tamaşaçılar arasında şəhərin nüfuzlu təşkilatlarının nümayəndələri də olub. Burada çıxış edən qonaqlar, tələbələrin Vətən sevgisini, aktyorluq bacarıqlarını və obrazları xüsusi həssaslıqla təqdim etdiklərini vurğulayıb.
