Sumqayıt Tibb Mərkəzi regionun ən böyük tibb mərkəzlərindən biridir. Bu barədə 20 yanvar tarixində Sumqayıt24 xəbər verir.
500 minə yaxın insana xidmət göstərən mərkəzin tabeliyində 7 ailə sağlamlıq mərkəzi, 7 xəstəxana, Təcili Tibbi Yardım Stansiyası, Perinatal Mərkəz və Stomatoloji poliklinika fəaliyyət göstərir.
Hazırda tibb müəssisəsində 4 643 nəfər çalışır. Onlardan 974-ü həkim, 1 893-ü orta tibb işçisi, 1 776 nəfəri isə qeyri-tibb işçisidir. Gün ərzində STM-in tibb müəssisisələrində vətəndaşlara 10 000-dən çox ambulator tibbi xidmət, 3 000-ə yaxın isə stasionar xidmət göstərilir.
Qeyd edək ki, tibb müəssisəsində icbari tibbi sığorta sistemi tətbiq olunur. Vətəndaşlar icbari tibbi sığorta üzrə Xidmətlər Zərfinə daxil olan bütün tibbi xidmətlərdən burada ödənişsiz istifadə edə bilərlər.
