Qəbələ-Xankəndi III Beynəlxalq Ultramarafonunda uğur qazanan sumqayıtlı idmançılar şəhərdə görüşərək nəticələrini qeyd ediblər.
Sumqayit24.az-ın əldə etdiyi məlumata görə, yarışda Sumqayıtı təmsil edən Tapdıq Dadaşov və Ələkbər Hacıyev mükafatçılar sırasında yer alıblar.
Belə ki, 67 yaşlı Tapdıq Dadaşov 60 yaşdan yuxarı idmançılar arasında ikinci, eyni yaşda olan Ələkbər Hacıyev isə üçüncü yeri tutub.
Qeyd edək ki, ultramarafon iştirakçıları arasında 73 yaşlı sumqayıtlı Ramiz Musayev də olub.
Yarış Gənclər və İdman Nazirliyi, Azərbaycan Atletika Federasiyası və Bakı Şəhər Halqası Əməliyyat Şirkətinin birgə təşkilatçılığı ilə keçirilib.
