Ceyranbatan qəsəbəsində tullantıların daşınması ilə bağlı problem yaranıb.
Sumqayit24.az-a müraciət edən sakinlərin sözlərinə görə, qəsəbə əhalisi arasında "Ət kəsilən" kimi tanınan ərazidə zibil "siqnal" sistemi ilə daşınır. Belə ki, sakinlər tullantı paketlərini evlərinin yaxınlığında asır, məsul qurumun əməkdaşları isə əraziyə gələrək onları götürürlər.
Lakin şikayətçilər iddia edirlər ki, son 20 gündür əraziyə zibil daşıyan maşın gəlmir. Nəticədə evlərin yaxınlığında asılmış tullantı paketlərinin sayı günbəgün artır və ərazidə antisanitar vəziyyət yaranır.
