Sumqayıtda “Yaşa, ey Şanlı Vətən!” adlı tədbir keçirilib. Sumqayıt24 bu haqda DünyaTV-yə istinadən xəbər verir.
Görüş Heydər Əliyev Mərkəzi və M. Füzuli adına 15 nömrəli məktəb tərəfindən təşkil edilib. İştirakçı qismində Əməkdar mədəniyyət işçisi Fazil Abasquluzadə, məktəbin müəllim və şagird heyəti qatılıblar. Onlara, 7-ci sinif şagirdi Mehriban Əliyevanın əl işlərindən ibarət “Qarabağım” adlı rəsm sərgisi nümayiş olunub.
Tədbir elmi-praktik konfrans şəklində davam edib. İştirakçılar Azərbaycan Xalq Cümhuriyyətinin yaranmasından bəhs edən videoçarxa baxıblar. Həmçinin burada müxtəlif mövzularda məruzələr oxunub.
