Sumqayıtda yaşayış binasında partlayış baş verib. Sumqayıt24 bu barədə 7 noyabr tarixində Fövqəladə Hallar Nazirliyinə istinadən xəbər verir.
Hadisə 9-cu mikrorayon, bina 71 ünvanında yerləşən doqquzmərtəbəli binanın doqquzuncu mərtəbəsində qeydə alınıb. Çağırış ünvanına FHN-in müvafiq qüvvələri cəlb olunub. Vətəndaşa məxsus ümumi sahəsi 75 kv.m olan üçotaqlı mənzilin eyvanında məişət qazının sızması nəticəsində yanğınla müşahidə olunmayan partlayışın baş verdiyi müəyyən edilib. Hadisə nəticəsində 31 yaşlı Cavanşir Babayev xəsarətlərlə xəstəxanaya yerləşdirilib.
Partlayış dalğasının zərbəsindən eyvanın lambirdən ibarət tavanı 4 kv.m sahədə dağılıb, aynabəndin pəncərə çərçivələri yerindən çıxıb və binanın həyətində olan “VAZ-2107” markalı avtomobilə ziyan dəyib. Ərazidə müvafiq təhlükəsizlik tədbirləri görülüb.
Faktla bağlı araşdırma aparılır.
