Sumqayıtda baş vermiş partlayış zamanı 4 nəfər xəsarət alıb. Bu haqda 16 yanvar tarixində Sumqayıt24 Report.az-a istinadən məlumat verir.
Hadisə ötən gün Y.Məmmədov (Metallurq) küçəsindəki 2 saylı yataqxanada qeydə alınıb. Partlayış zamanı 1 ailənin 4 üzvü xəsarət alıb:
- 16 yaşlı Nəzakət Paşayeva üzün 2-ci dərəcəli terniki yanığı;
- 11 yaşlı Yusif Paşayev üzün 1-ci dərəcəli, əlin 2-ci dərəcəli yanığı;
- 38 yaşlı Ceyhun Paşayev üzdə və sağ və sol əlin yanıqları;
- 34 yaşlı Vüsalə Pasayeva sifətin və əllərin 1-2 dərəcəli yanığı.
Yaralılara zəruri tibbi xidmətlər göstərilib. Ceyhun Paşayevin vəziyyəti stabil, digərlərinin vəziyyətləri isə orta ağır olaraq qiymətləndirilir.
İlkin ehtimala əsasən, hadisə qazsızma nəticəsində baş verib.
Faktla bağlı Sumqayıt Şəhər Prokurorluğunda araşdırma aparılır.
