Xalq yazıçısı Əzizə Cəfərzadənin 100 illik yubileyilə əlaqədar onun hekayələrinin müzakirəsi keçirilib. Bu haqda, Mədəniyyət Xəbərləri bu gün, 8 fevral tarixində məlumat yayıb.
Məlumata əsasən, yazıçının “Bir piyalə Xəzər”, “Ana” hekayələri müzakirə olunub. S.Vurğun adına Mərkəzi kitabxananın əməkdaşları tərəfindən təşkil olunan tədbir Anar Şükürov adına 25 nömrəli tam orta məktəbdə keçirilib.
Əzizə Cəfərzadə ədəbi fəaliyyətə 16 yaşında başlamış və "Əzrayıl" adlı ilk hekayəsini 1937-ci ildə "Ədəbiyyat" qəzetində çap etdirmişdir. Əzizə xanım uşaqlar üçün yaradığı hekayə və nağıllarla yanaşı bir sıra xarici müəlliflərin, o cümlədən S. Smirnovun "Brest qalası", Ş. Rəşidovun "Güclü dalğa", A. Lixanovun "Mənim generalım", Ə. Kabaklənin "Əjdaha daşı", S. Çokumun "Bizim diyar" və sair əsərləri Azərbaycan dilinə tərcümə etmiş, bir çox kitabın redaktoru olmuşdur.
