Həyat yoldaşını işləməyə qoymayan kişinin əməkhaqqının bir hissəninin qadının pensiya fonduna yığılması məsələsi qanuniləşdirilə bilər.
Report.az-ın məlumatına görə, bunu Milli Məclisin üzvü Mübariz Qurbanlı “Konstitusiya və suverenlik” ili çərçivəsində keçirilən “Qadın iştirakçılığının təbliği” adlı konfransın “Bərabərikdə dayanıqlılıq-konstitusiyamızın keçdiyi inkişaf yolunun əsas hədəfi kimi” mövzusuna həsr edilmiş panel sessiyasında deyib.
“Elə kişilər var ki, ailə quranda qadına işləməyə icazə vermirlər. Bu kimi hallar təqaüd məsələsinə təsir göstərə bilər. Belə hallarda kişinin əməkhaqqından qadının da pensiya fonduna yığıla bilər. Məsələni qanuniləşdirmək olar. Buna kimsə etiraz etməməlidir, çünki kişinin özü qadını çalışmağa qoymayıb”, - deputat əlavə edib.
