Sumqayıtda abadlıq-quruculuq işləri mərhələli şəkildə həyata keçirilir. Bu haqda bu gün, 4 iyun tarixində AzTV-yə istinadən xəbər veririk.
60 il əvvəl istifadəyə verilən Mehdi Hüseynzadə adına şəhər stadionu yenidən inşa olunur. 10 min nəfərlik tutuma malik olan stadionda gələcəkdə beynəlxalq tədbirlərin keçirilməsi nəzərdə tutulur. Stadionun direktoru Nadir Quliyev bildirib ki, idman meydanının təhvil verilməsi sentyabr ayına nəzərdə tutulub.
Abadlıq işləri çərçivəsində 2 saylı şəhər xəstəxanası da yenilənir. Tibb müəssisəsi yenidən tikilərək zəruri tibbi avadanlıqlarla təchiz ediləcək. Tikinti işlərinə ilin sonunadək yekun vurulacaq. 150 çarpayı yerlik xəstəxanada ümumilikdə 10-a yaxın şöbə fəaliyyət göstərəcək.
