FHN Sumqayıtda yanğın-taktiki təlim keçirilib. Bu barədə 21 oktyabr tarixində Fövqəladə Hallar Nazirliyinə istinadən xəbər verir.
“Yüksək saylı çağırışla yanğınların söndürülməsi” mövzusuna həsr olunan təlim “Kimyaçı” Mədəniyyət Sarayında baş tutub. Buraya şəhər Yanğından Mühafizə qarnizonunun müvafiq qüvvələri cəlb olunub.
Seminar zamanı yüksək saylı çağırışla “hadisə yerinə” operativ çatan yanğından mühafizə qüvvələri tərəfindən mədəniyyət sarayının tamaşa zalında “köməksiz vəziyyətdə qalan” şərti tamaşaçılar və işçi personal xüsusi xilasetmə vasitələrindən istifadə olunmaqla “xilas edilib” və zalda baş vermiş şərti yanğın qısa müddətdə “söndürülüb”.
Təlimdən sonra əldə edilmiş nəticələr müzakirə olunub, müvafiq tapşırıqlar verilib.
