Sumqayıtda Zəfər Günü münasibətilə konsert və atəşfəşanlıq olacaq. Sumqayıt24 bu barədə 7 noyabr tarixində İcra Hakimiyyətinə istinadən xəbər verir.
Tarixi qələbəmizin ikinci ildönümü münasibətilə təşkil olunan konsert noyabrın 8-də İH-nin qarşısındakı meydanda saat 18:30-da başlayacaq və saat 21:00-da möhtəşəm atəşfəşanlıqla yekunlaşacaq.
Konsert proqramında Azərbaycanın tanınmış müğənniləri: Faiq Ağayev, Miri Yusif, Aygün Kazımova, Mübariz Tağıyev, İlhamə Qasımova, Məleykə Əsədova, Təyyar Bayramov, Aytən Məhərrəmova, Amil Həsənoğlu, Sədəf Budaqova, İlkin Əhmədov və "Natiq" Ritm Qrupu iştirak edəcəklər.
Tədbirin aparıcıları tanınmış simalar Saleh Bağırov və Lalə Azərtaş olacaqlar.
