Sumqayıtın icra başçısı Zakir Fərəcov Əli Əmirovu mükafatlandırıb. Bu haqda 14 mart tarixində Sumqayıt24 İH-yə istinadən xəbər verir.
İcra başçısı şəhərin ictimai-siyasi həyatında fəal iştirakına görə və 75 illik yubileyi münasibətilə Əli Əmirovu təbrik edib və ona Fəxri Fərman təqdim edib.
Qeyd edək ki, Əli Əmirov əmək fəaliyyətinə 1970-ci ildə Sumqayıt şəhərində, tanınmış elm ocağı olan “Neftkimyaavtomat” ETLİ-də (indiki “Neftqazavtomat” EİM) başlamışdır. 1983-cü ildə Ukrayna EA “Elektrodinamika” institutunda dissertasiya işini müdafiə etmişdir, texnika üzrə fəlsəfə doktorudur.
Ə. Əmirov bu xidmətlərinə görə “Əməkdar mühəndis” fəxri adına və “Tərəqqi” medalına layiq görülmüşdür. O, “Ələmi” təxəllüsü ilə həm də bədii yaradıcılıqla məşğul olur, şair-qəzəlxandır, yüzlərlə qəzəlin, o cümlədən şeirlər kitabının müəllifidir.
