Sumqayıt şəhərində küçə ticarəti ilə mübarizənin vəziyyəti ilə bağlı müşavirə keçirilib. Sumqayıt24 bu barədə 31 yanvar tarixində Şəhər İcra Hakimiyyətinə istinadən xəbər verir.
Toplantıda icra başçısı Zakir Fərəcov və qurumun məsul şəxsləri, eləcə də aidiyyəti qurumların nümayəndələri iştirak ediblər. Zakir Fərəcov bildirib ki, son illər şəhərdə həyata keçirilən genişmiqyaslı abadlıq-quruculuq tədbirləri sakinlərin rahatlığına hesablanıb. O qeyd edib ki, qanunsuz küçə ticarətinin mövcudluğu sakinlərin haqlı narazılıqlarına səbəb olur.
Müşavirədə qaldırılmış problemlərin operativ həlli, piyada səkilərini zəbt edən, piyadaların və nəqliyyat vasitələrinin hərəkətinə mane olan, şəhər ərazisində antisanitar şərait yaradan küçə ticarətinin aradan qaldırılması üçün müvafiq tapşırıqlar verilib.
