İcra başçısı Zakir Fərəcovla bağlı müxtəlif iddialar yayılıb. Bu barədə 16 yanvar tarixində Sumqayıt24 xəbər verir.
Bildirilir ki, Sumqayıt Şəhər İcra Hakimiyyətində yoxlamalar başlanıb və Zakir Fərəcovun fəaliyyət dövrü araşdırılır. Guya ki yoxlamaların nəticəsindən asılı olaraq, onunla bağlı qərar veriləcək.
El arasında isə icra başçısının artıq işə çıxmadığı, idarəetmədən faktiki olaraq kənarlaşdırıldığı deyilir.
Sumqayıt Şəhər İcra Hakimiyyətinin İnformasiya təminatı və təhlil sektorundan məsələ ilə bağlı Qaynarinfo.az-a açıqlama verilib. Yayılan məlumatlar təkzib edilib:
“Sumqayıt Şəhər İcra Hakimiyyətində hər hansı yoxlama aparılmır. Zakir Fərəcovun işə çıxmadığı barədə iddialar da həqiqəti əks etdirmir”.
