Sumqayıt Şəhər İcra Hakimiyyətinin başçısı Zakir Fərəcov ölkə cüdosunun inkişafında əvəzsiz xidmətləri olan Əməkdar bədən tərbiyəsi və idman xadimi Əhməddin Rəcəblini 80 illik yubileyi münasibətilə qəbul edib.
Sumqayit24.az xəbər verir ki, görüş zamanı Zakir Fərəcov Əhməddin Rəcəblinin uzun illər ərzində Sumqayıtda idmanın, xüsusilə də cüdonun inkişafına göstərdiyi xidmətləri yüksək dəyərləndirib. O, yubilyarın yetişdirdiyi idmançıların həm ölkə, həm də beynəlxalq arenalarda qazandığı uğurların Sumqayıt idman tarixində mühüm yer tutduğunu qeyd edib.
Sonra icra başçısı Əhməddin Rəcəblini 80 illik yubileyi münasibətilə Fəxri Fərmanla təltif edib.
Qeyd edək ki, Əhməddin Rəcəbli yüzlərlə idmançının formalaşmasında mühüm rol oynayıb.
