“Acı dərə” kanalı ətrafa üfunət yayır. Sumqayıt24 bu haqda 2 iyun tarixində xəbər verir.
Sözügedən kanal Kotec, Yaşıldərə, Xəzər bağları, “Sənaye” və digər məhəllələrdən keçir. Onun içinə kanalizasiya suları axıdılır, müxtəlif tullantılar atılır. Zibil qamışlıqda toplanır və nəticədə antisanitariya yaranır.
Sumqayıt Sukanal İdarəsi ATV Xəbər-ə məsələ ilə bağlı açıqlama verib. Bildirilib ki, “Acı dərə”nin 25 km-lik hissəsi Sumqayıtı əhatə edir. Kanala çirkab suların axıdılmaması üçün uzunluğu 3,7 km olan boru çəkilib. Qalan hissələrdə də mərhələli şəkildə kanalizasiya xətti çəkiləcək.
