Dövlət Su Ehtiyatları Agentliyi nəzarət tədbirləri keçirib. Sumqayıt24 bu haqda 15 iyun tarixində “Azərsu” ASC-yə istinadən xəbər verir.
Corat bağları, Göygöl küçəsində fərdi yaşayış evinin tikintisində özbaşına çəkilmiş su xəttindən istifadə edilib.
Novxanı qəsəbəsində yerləşən quşçuluq təsərrüfatı obyektində suyun talanması faktı aşkarlanıb. Obyektin su təchizatı bir müddət əvvəl qanunsuz istifadəyə görə dayandırılmışdı. Sahibkar isə texniki şərt almaq, müqavilə bağlamaq əvəzinə yenidən özbaşına xətt çəkib.
Novxanı çimərliyi ərazisində yerləşən "Karadeniz” və "Noso Beach” istirahət mərkəzlərində də qanunlar pozulub. Obyektlər texniki şərt almadan, müqavilə bağlamadan suyu talayıb.
Aşkarlanmış bütün qeyri-qanuni su xətləri və birləşmələr ləğv olunub. Obyekt və ev sahibləri ilə maarifləndirici söhbətlər aparılıb. Qeyd edilib ki, bu cür qanunsuz əməllərə yol verən fiziki və hüquqi şəxslərə qarşı sərt nəzarət tədbirlərinin görülməsi üçün hüquq-mühafizə orqanlarına müraciət olunacaq.
