H.Z. Tağıyev qəsəbəsinin sakinləri piyada keçidindən istifadə etdikdə təhlükə ilə üzləşirlər. Bu haqda 13 aprel tarixində Sumqayıt24 xəbər verir.
Bakı-Quba magistral yolunun qəsəbədən keçən hissəsində yerləşən nişanlanma xətləri silinib. Sakinlərin sözlərinə görə, ərazidə tez-tez ölümlə nəticələnən yol-nəqliyyat hadisələri baş verir. “Piyada keçidi” nişanının olmaması bu təhlükəni daha da artırır.
“Siqnal” İxtisaslaşdırılmış Layihə-İstehsalat İdarəsindən redaksiyamızın sorğusuna cavab olaraq bildirilib ki:
“O yola təmirdən sonra “Azəravtoyol” ASC nəzarət edir. Buna baxmayaraq, həmin yolda bir necə yerdə piyada keçidlərinin çəkilməsi üçün Baş Dövlət Yol Polisi İdarəsi ASC-yə təkliflər göndərib”.
[modula id="34624"]
