Bu gün günorta saatlarında Sumqayıt şəhəri, Ağa Quliyev küçəsində avtomobil yolunun çökməsi ilə bağlı Sukanal İdarəsinin baş mühəndisi Mahir İmanov Xeberle.com-a açıqlama verib.
İmanovun sözlərinə görə, hadisə yerinə baxış keçirilib. Su xəttini çəkən şirkətlə birlikdə xəttin üstü açılıb və yoxlama nəticəsində məlum olub ki, xəttin yan hissəsində yağış suları yolun bünövrəsinə su vermiş və nəticədə asfalt çökmüşdür.
Həmçinin qurum rəsmisi bildirib ki, tikinti şirkəti həmin hissəni çıxararaq, orada təmir işləri aparacaq və yolun asfalt örtüyünü yeniləyəcək.
