Sumqayıt şəhərinə giriş-çıxış yeri ilə kəsişən hissədə nəqliyyatın hərəkəti 13-16 oktyabr saat 06:00-dan 21:00-dək məhdudlaşdırılacaq. Bu haqda Report-a istinadən xəbər veririk.
Məhdudiyyət Bakı-Quba-Rusiya avtomobil yolunun təmiri ilə əlaqədardır. Bununla bağlı Sumqayıt şəhərinə digər yol ilə - Novxanı və Saray qəsəbələrindən daxil olmaq tövsiyə edilir.
Təmir zamanı nəqliyyat vasitələrinin hərəkətini tənzimlənməsi məqsədilə yol-patrul xidmətinin əməkdaşları cəlb olunacaq.
