Sumqayıt şəhərində qazın təzyiqinin zəif olması ilə bağlı sakinlər redaksiyamıza müraciət ediblər. Sumqayıt24 bu haqda 18 aprel tarixində xəbər verir.
Bu hal Yaşıldərə və “Sumqayıtçay” ərazisində yerləşən yaşayış massivləri, eləcə də şəhərin 16-cı, 18-ci və 19-cu məhəllələrində müşahidə olunur. Sakinlərin sözlərinə görə, 1 həftədən artıq müddətdir ki, təbii qazın təzyigi aşağı düşüb.
“Nə kombi, nə də su qızdırıcıları yanmır. Yemək bişirmək üçün məcbur olub elektrik plitəsindən istifadə edirik. Qaynar xəttə zəng edirik, növbətçi briqada gəlib qaz təzyiqini artırır, lakin bu, qısa müddət davam edir”, - deyə sakinlər bildiriblər.
