Sumqayıtda suyun verilmə qrafiki pisə doğru dəyişib. İzləyicilər bu şikayətlə Sumqayıt24-ə müraciət ediblər.
Şəhərin 1, 2, 3, 4, 8, 9, 10, 11, 12 və 13-cü mikrorayonları ərazisində, həmçinin Kotec qəsəbəsi və bir neçə məhəllədə su yalnız müəyyən saatlarda gəlir. Aylar öncə su təchizatı səhər saat 07:00-dan 09:00-dək və axşam 18:00-dan 22:00-dək normal vəziyyətdə olurdu. Lakin getdikcə bu vaxt aralığı qısaldılır. Nəticədə insanlar çətinliklə qarşılaşırlar.
