“Sumqayıt” futbol klubu Aleksey Baqa ilə yollarını ayırıb. Bu barədə 21 sentyabr tarixində Sumqayıt24 xəbər verir.
Baş məşqçi Aleksey Baqa ilə müqaviləyə qarşılıqlı razılıq əsasında xitam verilib. Klub 41 yaşlı mütəxəssisə təşəkkür edib və gələcək karyerasında uğurlar arzulayıb. Baqa isə öz növbəsində bura uğur qazanmaq üçün gəldiyini, lakin işlərini heç cür qaydasına sala bilmədiyini bildirib.
Qeyd edək ki, belaruslu məşqçi komandaya ötən ilin dekabrında cəlb olunub. Bu müddət ərzində azarkeşlər yalnız iki qələbəyə seviniblər.
