“Sumqayıt” – “Neftçi” matçına biletlərin satışına start verilib. Bu haqda 30 yanvar tarixində Sumqayıt24 xəbər verir.
Fevral ayının 4-də saat 15:00-da başlanacaq oyun əsaslı təmirdən sonra Mehdi Hüseynzadə adına şəhər Stadionunda keçiriləcək.
Futbolsevərlər biletləri iticket.az saytından, eləcə də 1 saylı “ASAN Xidmət”dən əldə edə bilərlər. Biletlərin qiyməti 2-10 manat arası dəyişir.
Azarkeş marağını nəzərə alaraq, oyuna 3 gün qalmış stadionun yaxınlığında fəaliyyət göstərəcək kassadan da satış həyata keçiriləcək.
