23 yaşa qədər kişilər və qadınlar arasında Sumqayıt şəhər çempionatı keçiriləcək. Bu haqda 16 iyun tarixində Cüdo Federasiyasına istinadən məlumat veririk.
Milli Qurtuluş Gününə həsr olunan turnir iyunun 17-si Sumqayıt Olimpiya İdman Kompleksində baş tutacaq. Yarışda 12 çəki dərəcəsində qaliblər müəyyənləşəcəklər. Sumqayıtın 10 müxtəlif klub, cəmiyyət və idman təşkilatından 111 cüdoçu medallar uğrunda mübarizə aparacaq.
Turnir 11-13 iyul tarixlərində keçiriləcək 23 yaşa qədər qadınlar və kişilər arasında Azərbaycan çempionatına seçim xarakteri daşıyır.
Arenaya giriş sərbəstdir.
