"Sumqayıt"ın baş məşqçisi Samir Abasov ikisi şərti olmaqla beş oyunluq cəzalandırılıb. Sumqayıt24 bu haqda 19 sentyabr tarixində xəbər verir.
Qərar AFFA İntizam Komitəsi tərəfindən verilib. Buna mütəxəssisin "Zirə"yə 0:1 hesabı ilə uduzduqları Premyer Liqanın 6-cı tur matçında hakimi təhqir etməsi, qırmızı vərəqə alaraq texniki zonadan kənarlaşdırılması səbəb olub.
Abasova üç ay sınaq müddəti təyin edilib. Klub isə 4 min manat ödəməli olacaq.
Bundan əlavə, qonaqların azarkeşləri meydana kənar əşyalar atdıqları üçün "Sumqayıt" əlavə 800 manat cərimələnib.
Komitə "Zirə" fanatlarının da eyni hərəkətinə görə paytaxt klubuna 800 manat cərimə kəsib. "Qartallar"ın futbolçusu Pyer Zebli birbaşa qırmızı vərəqə aldığı üçün iki oyunluq cəza alıb, klub isə 1500 manat ödəyəcək.
