Sumqayıtda ulu öndər Heydər Əliyevin 100 illik yubileyinə həsr olunmuş minifutbol turnirinə yekun vurulub. Bu haqda 10 may tarixində Sumqayıt24 şəhər Gənclər və İdman Baş İdarəsinə istinadən xəbər verir.
“Kapital Bank” Arenada baş tutan turnir idarə, müəssisə və təşkilatlar arasında keçirilib. Yarışda ümumilikdə 12 komanda qalib adı uğrunda mübarizə aparıb.
Turnirin final qarşılaşmasında FHN-in Dövlət Yanğından Mühafizə Xidmətinin komandası Abşeron-Xızı Regional Təhsil idarəsinin komandasını 2:0 hesabı ilə üstələyərək qalib adını qazanıb. Üçüncü yeri isə Sumqayıt Texnologiya Data Mərkəzinin kollektivi tutub.
Qalib komandalar fəxri fərmanlar, medal, kubok və hədiyyələrlə təltif ediliblər.
