Sumqayıt qadın voleybol komandaları seleksiya xarakterli yarışda çıxış ediblər. Bu haqda 8 iyun tarixində Sumqayıt24 Voleybol Federasiyasına istinadən xəbər verir.
Yeniyetmə və gənc voleybolçular arasında təşkil edilmiş seleksiya yarışı Qusar Olimpiya İdman Kompleksində keçirilib. Turnirdə 15 yaşadək qızlar və oğlanlardan ibarət 14 komanda mübarizə aparıb.
Qızların yarışında “Siyəzən”, “Xaçmaz”, “Quba”, “Qusar-1”, “Qusar-2”, “Sumqayıt-1”, “Sumqayıt-2” komandaları iştirak edib. Olimpiya sistemi ilə təşkil olunan yarışda qızların mübarizəsində “Sumqayıt-1” komandası turnirin birincisi, “Sumqayıt-2” isə ikincisi olub.
Sonda qaliblərə kubok, medallar və diplomlar təqdim edilib.
