Rafael Ağayev Moskvada baş tutacaq yarışda iştirak etməkdən imtina edib.
İdmançı 1-3 oktyabr tarixlərində keçiriləcək Karate1 Premyer Liqası turnirində iştirak etməməsinin səbəbini Oxu.az-a açıqlamasında bildirib:
"Bəli, Moskvadakı yarışa getməyəcəm. Heç bir zədəm yoxdur. Səbəb Tokio Olimpiadasından sonra olan yorğunluqdur. Bununla belə, idman formamdan kənar düşməmək üçün hər gün fiziki məşq edirəm. Sadəcə olaraq, karate məşqləri etmirəm. İnşallah, noyabrda Dubayda keçiriləcək dünya çempionatında iştirak edəcəm".
Qeyd edək ki, kumite üzrə komandamızın baş məşqçisi Qurban Tağıyev də Moskvaya yollanmayacaq. Buna səbəb isə onun işlədiyi dövlət işinin səfərə yollanmaq üçün icazə verməməsidir.
