"Sumqayıt"ın futbolçusu Roi Kehat klubun çıxışlarından narahatdır. Sumqayıt24 bu haqda 4 mart tarixində Report.az-a istinadən xəbər verir.
31 yaşlı yarımmüdafiəçi "Kəpəz" ilə oyundan (1:3) danışıb:
“Mövsümün başa çatmasına 11 oyun qalıb, gedişatı tezliklə dəyişməsək, özümüzü turnir cədvəlinin aşağı pillələrində görəcəyik.
Bu, yaxşı hazırlaşdığımız qarşılaşmalardan biri idi. Rəqibimiz meydanda kifayət qədər qərarlı deyildi. İlk hissədə bir neçə şansımız oldu. Fərqlənə bilsəydik, nəticə tamam fərqli olardı".
İsrailli 4 oyunluq qələbəsizlik seriyasına da toxunub:
"Bunun müxtəlif səbəbləri var. Məncə, növbəti matçlarda xarakter, əzmkarlıq və aqressivlik göstərməliyik. Çünki belə seriyalardan, adətən, çətin qələbə ilə çıxırsan. Son nəticələrdən sonra avrokuboklar barədə danışmaq olmaz. Yalnız növbəti görüşə diqqət yetirməliyik".
