Şuşada ilk dəfə keçirilən "Shusha Chess 2022" beynəlxalq şahmat turnirində daha 4 tur oynanılıb. Bu barədə 23 sentyabr tarixində turnirin saytına istinadən xəbər veririk.
Sumqayıt təmsilçilərindən Şəhriyar Məmmədyarov bütün qarşılaşmaları qələbə ilə başa vuraraq maksimum nəticə ilə liderdir. Digər qrosmeysterimiz Vasif Durarbəyli isə 1 qələbə, 1 heç-heçə, 2 məğlubiyyət ilə yadda qalıb.
Oyunların nəticələrini təqdim edirik:
II tur
Rauf Məmmədov - Şəhriyar Məmmədyarov - 0:1;
Parham Maqsudlu (İran) - Vasif Durarbəyli - 1:0.
III tur
Vasif Durarbəyli - Mustafa Yılmaz (Türkiyə) - 0,5:0,5;
Şəhriyar Məmmədyarov - Hao Vanq (Çin) - 1:0.
IV tur
Parham Maqsudlu (İran) - Şəhriyar Məmmədyarov - 0:1;
Teymur Rəcəbov - Vasif Durarbəyli - 0:1.
V tur
Vasif Durarbəyli - Santoş Qucrati Vidit (Hindistan) - 0:1;
Şəhriyar Məmmədyarov - Mustafa Yılmaz (Türkiyə) - 1:0.
Xal durumu: Şəhriyar Məmmədyarov - 10, Santoş Qucrati Vidit (Hindistan) - 9, Vasif Durarbəyli - 5, Teymur Rəcəbov - 5, Rüstəm Qasımcanov (Özbəkistan) - 5, Hao Vanq (Çin) - 4, Rauf Məmmədov - 3, Mustafa Yılmaz (Türkiyə) - 2, Qədir Hüseynov - 1.
