Sumqayıt Tibb Mərkəzinin (STM) nəzdində olan tibb müəssisələri arasında keçirilən minifutbol turniri yekunlaşıb. Bu haqda 12 may tarixində Sumqayıt24 STM-ə istinadən xəbər verir.
“Heydər Əliyev İli” çərçivəsində keçirilən turnirdə 8 tibb müəssisəsi mübarizə aparıb. Mükafatlandırılma mərasimində yarışın qalibi olan Təcili Təxirəsalınmaz Tibbi Yardım Stansiyasının komandası kubok, fəxri fərman, medal və pul mükafatı, II yeri tutan 3 və 4 nömrəli şəhər xəstəxanalarının birgə komandası isə fəxri fərman və medallarla mükafatlandırılıb. Digər komandalara isə təşəkkürnamələr verilib.
Qeyd edək ki, minifutbol turniri Sumqayıt Tibb Mərkəzinin təşkilatçılığı və Sumqayıt Səhiyyə İşçiləri Həmkarlar İttifaqı Şurasının dəstəyi ilə keçirilib.
