"Sumqayıt" FK-nun oyunçusu Azərbaycan milli komandasının təlim-məşq toplanışına dəvət alıb. Bu haqda AZƏRTAC-a istinadən xəbər veririk.
18 yaşadək futbolçulardan ibarət, 4-6 dekabr tarixlərində Bakıda, 6-10 dekabr tarixlərində isə Dubayda təşkil olunacaq toplanışda Sumqayıt təmsilçisi Xəyal Feyzullayevində iştirakı nəzərdə tutulub.
Məlumata görə, millimiz hazırlıq çərçivəsində dekabrın 7-də və 9-da Birləşmiş Ərəb Əmirliklərinin U-18 komandası ilə yoldaşlıq oyunu keçirəcək.
Qeyd edək ki, hazırlıq prosesinə 25 futbolçu dəvət olunub və onlardan 22 nəfəri yekun heyət kimi Bakı toplanışından sonra müəyyənləşəcək.
