Sumqayıtlı para-atlet Tokio Paralimpiadasında bürünc medal qazandı.
22 yaşlı Səid Nəcəfzadə uzunluğa tullanma yarışlarında 7,03 metrlik nəticə göstərərək birinciliydə 3-cü pillədə qararlaşıb. Yarışın qalibi isə 7,21 metr nəticəylə iranlı Amir Xosravani olub.
İdmançımız 2016-cı ilin may ayında Ümid idman məktəbini təmsil edərək üçqat tullanma yarışlarında Bakı şəhər birinciliyini qazanmışdır. Həmçinin 2019-cu ilin iyul ayında keçirilən Tunis Qran Prisində uzunluğa tullanma yarışlarında 6,80 metr nəticə ilə gümüş, 2021-ci ilin iyun ayında Polşanın Bydgoszcz şəhərində keçirilən Avropa Çempionatında isə 6,97 metrlik nəticə ilə qızıl mükafatçı olmuşdur.
