Cüdo üzrə millimiz dünya çempionatına qatılacaq. Bu barədə 20 sentyabr tarixində Cüdo Federasiyasına istinadən xəbər veririk.
Özbəkistanın paytaxtı Daşkənd şəhərində təşkil olunacaq turnirdə 11 idmançımız mübarizə aparacaq. Yığmanın heyətində sumqayıtlı Gültac Məmmədəliyevanın da adı yer alıb. O, 52 kq çəki dərəcəsində çıxış edəcək.
“Humo Arena”da baş tutacaq dünya çempionatına 80-dən çox ölkədən 500-dən çox idmançı qatılacaq. Fərdi yarışlar 6 - 12 oktyabr, komanda yarışları isə 13 oktyabrda olacaq.
