“Sumqayıt”ın boş qalmış məşqçi postuna 3-4 namizəd var. Sumqayıt24 bu barədə 23 sentyabr tarixində Sportinfo.az-a istinadən xəbər verir.
“Sumqayıt”ın mətbuat xidmətinin rəhbəri Rəşad Məmmədov açıqlama verib. O bildirib ki, namizədlərin arasında həm yerli, həm də əcnəbi mütəxəssislərin adları var. Klubun rəhbərliyi hazırda bu məsələ ilə yaxından məşğuldur. Yeni baş məşqçinin adı yaxın günlərdə aydınlaşa bilər.
“Yəqin ki, tezliklə yeni təyinat olacaq. İndi əminliklə demək olmaz ki, filan məşqçi ilə yüzdəyüz danışıb anlaşmışıq. Danışıqlar hələ gedir”, - deyə Rəşad Məmmədov qeyd edib.
Xatırladaq ki, Aleksey Baqa ilə müqaviləyə qarşılıqlı razılıq əsasında xitam verilib.
