"Sumqayıt" klubu ukraynalı məşqçi Yuri Maksimovla danışıqlar aparır. Sumqayıt24 bu barədə 24 sentyabr tarixində Report.az-a istinadən xəbər verir.
"Keşlə" (hazırkı "Şamaxı") klubunun sabiq çalışdırıcısı olan mütəxəssis açıqlama verib. O bildirib ki, vəziyyətin necə inkişaf edəcəyi hələlik məlum deyil. Qarşıdakı günlərdə məsələyə aydınlıq gələcək.
54 yaşlı Maksimov Premyer Liqanın səviyyəsini bəyəndiyini deyib: “Razılıq əldə olunsa, ora qayıtmaq istəyərəm”.
Qeyd edək ki, ukraynalı məşqçi 2017/2018 mövsümünün ikinci yarısında "Keşlə"nin baş məşqçisi olub. Onunla komanda Azərbaycan Kubokunu qazanıb.
