Abşeron Olimpiya İdman Kompleksində “Şahin” hərbi-idman oyununun III zona birinciliyi keçirilib. Sumqayıt24 bu haqda 16 may tarixində Sumqayıt şəhər Gənclər və İdman Baş İdarəsinə (GİBİ) istinadən xəbər verir.
Burada Sumqayıt şəhəri, Xaçmaz, Quba, Qusar, Siyəzən, Xızı, Şabran, Lənkəran, Qubadlı və Zəngilan rayonları təmsil olunub. Sumqayıtın Təbiət Elmləri Təmayüllü Gimnaziyasının komandası ən yüksək nəticə göstərərək I yerə layiq görülüb.
Komanda iyun ayında Mingəçevir şəhərində keçiriləcək “Şahin”lərin Respublika Final mərhələsinə vəsiqə qazanıb.
