Sumqayıtlı idmançı ağırlıqqaldırma üzrə Avropa birinciliyində uğur qazanıb. Sumqayıt24 bu barədə 24 oktyabr tarixində Ağır Atletika Federasiyasına istinadən xəbər verir.
Yarış Albaniyanın Dürres şəhərində 20 və 23 yaşadək gənclər arasında keçirilib. 20 yaşadək idmançıların mübarizəsində Əli Şükürlü (109 kq) birdən qaldırmada 161 kq-nin öhdəsindən gələrək bürünc medala sahib çıxıb.
Şükürlü təkanla hərəkətdə 189 kq-nı ram edərək 6-cı yeri tutub. O, toplam 350 kq (161+189) nəticə ilə yekun sıralamada 4-cü olub.
