Sumqayıtlı qrosmeysterlər ümummilli lider Heydər Əliyevin 100 illiyinə həsr olunan eyni anda 100 lövhədə seanslara qatılıblar. Bu haqda 10 may tarixində Sumqayıt24 xəbər verir.
Gənclər və İdman Nazirliyi, Azərbaycan Şahmat Federasiyasının təşkilatçılığı ilə keçirilən idman tədbiri Dənizkənarı Bulvarda baş tutub. Şahmatçılarımız Şəhriyar Məmmədyarov və Zeynəb Məmmədyarova balaca və yeniyetmə şahmatçılara qarşı mübarizə aparıblar.
İki saata yaxın davam edən seansda 15 partiya heç-heçə başa çatıb, iki oyunda yeniyetmələr qələbə qazanıblar.
Tədbirin sonunda yeniyetmə idmançılara Azərbaycan Şahmat Federasiyasının xatirə hədiyyələri təqdim olunub.
