"Sumqayıt"ın futbolçusu əməliyyat olunub. Sumqayıt24 bu haqda 1 dekabr tarixində xəbər verir.
Ayağı sındırılan 24 yaşlı yarımmüdafiəçi Kristian Velinovskinin əməliyyatı uğurla başa çatıb. Şimali makedoniyalı oyunçunun ayağı 14 gün gipsdə qalacaq. O, bu müddət ərzində xəstəxanada qalacaq, 4 həftə sonra isə əl ağacı olmadan yeriyə biləcək. Futbolçunun 3-4 ay sonra məşqlərə başlayacağı gözlənilir.
Qeyd edək ki, Kristian Velinovskinin ayağı "Lerik"lə oyunda sınıb.
