Veteran futbolçu Aslan Kərimov “Sumqayıt”ın yeni baş məşqçisi haqqında danışıb. Sumqayıt24 bu barədə 30 sentyabr tarixində Fanat.az-a istinadən xəbər verir.
İllər öncə Azərbaycan millisində və "Qarabağ"da Samir Abasovla komanda yoldaşı olmuş veteran yarımmüdafiəçi yeni məşqçinin klubu “bataqlıqdan” çıxaracağını bildirib.
“Hazırkı futbolçularla Samir belə bir işin öhdəsindən gələ bilər. Məşqçi kimi onun savadına və bacarığına şübhə etmirəm. Onun çılğınlığı da buna köməklik göstərə bilər. Samirin bu xarakteri hətta komandanı belə stresli məqamlarda vəziyyətdən çıxarmağa köməklik göstərə bilir”, - o əlavə edib.
