Sumqayıt idmançıları beynəlxalq turnirdə uğurla çıxış ediblər. Sumqayıt24 bu barədə 24 oktyabr tarixində şəhər Gənclər və İdman Baş İdarəsinə istinadən xəbər verir.
Sloveniyanın Koroşka şəhərində yeniyetmə qızlar arasında cüdo üzrə beynəlxalq turnir keçirilib. Yığmamızın tərkibində çıxış edən idmançılarımız Aytən Verdiyeva (50 kq), Məryəm Bayramzadə (44 kq) və Fidan Qasımova (57 kq) bütün rəqiblərinə qalib gələrək qızıl medala layiq görülüblər.
Qeyd edək ki, Aytən və Məryəm Sumqayıt 1 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbinin idmançılarıdır.
