Sumqayıtda Zəfər Gününə həsr olunmuş idman tədbirləri keçiriləcək. Bu haqda 10 oktyabr tarixində Sumqayıt24 Gənclər və İdman Nazirliyinə istinadən məlumat verir.
Abşeron-Xızı Regional Gənclər və İdman İdarəsi tərəfindən təşkil olunan yarışların siyahısını təqdim edirik:
- Futbol üzrə 2011-2012-ci il təvəllüdlü oğlanlar arasında 1 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbi açıq birinciliyi. Turnir 10-13 oktyabr tarixlərində saat 15:00-da Paralimpiya İdman Kompleksində baş tutacaq;
- Stolüstü tennis üzrə 2010-cu il, daha kiçik təvəllüdlü oğlanlar və qızlar arasında 1 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbi açıq birinciliyi. Yarış 14 oktyabr saat 11:00-da “Qarabağ NN” stolüstü tennis bazasında keçiriləcək;
- Cüdo üzrə 2007-2009-cu il təvəllüdlü oğlanlar və qızlar arasında 1 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbi açıq birinciliyi. İdman tədbri 14-15 oktyabr tarixlərində saat 10:00-da adıçəkilən məktəbdə baş tutacaq.
